കോട്ടയം: എന്‍സിപി എല്‍ഡിഎഫില്‍ തന്നെ തുടരുമെന്നും യുഡിഎഫുമായി ചര്‍ച്ച നടത്തിയിട്ടില്ലെന്നും മാണി സി. കാപ്പന്‍ എംഎല്‍എ. നിലവില്‍ എല്‍ഡിഎഫിന്റെ ഭാഗമാണ് എന്‍സിപി. യുഡിഎഫുമായി ചര്‍ച്ച നടത്തേണ്ട കാര്യമില്ലെന്നും അദ്ദേഹം പറഞ്ഞു.
അടുത്ത നിയമസഭാ തെരഞ്ഞെടുപ്പില്‍ പാലായില്‍ നിന്നും എല്‍ഡിഎഫിന്റെ സ്ഥാനാര്‍ഥിയായി ജനവിധി തേടും. എല്‍ഡിഎഫ് മറിച്ചൊന്നും പറഞ്ഞിട്ടില്ല. എന്‍സിപിയ്ക്ക് പാലാ സീറ്റ് ഇല്ലെന്ന് എല്‍ഡിഎഫ് പറഞ്ഞിട്ടില്ല. വഴിയെ പോകുന്നവര്‍ക്ക് പാലാ ചോദിക്കാന്‍ എന്ത് കാര്യമെന്നും കാപ്പന്‍ ചോദിച്ചു. തോറ്റവര്‍ എങ്ങനെ സീറ്റ് ചോദിക്കുമെന്നും കാപ്പന്‍ പറഞ്ഞു.
തങ്ങളെ യുഡിഎഫിലേക്ക് സ്വാഗതം ചെയ്യാനുള്ള സ്വാതന്ത്ര്യം അവര്‍ക്ക് ഉണ്ട്. തോമസ് ചാണ്ടി അനുസ്മരണത്തില്‍ ഉമ്മന്‍ ചാണ്ടി പങ്കെടുത്തതില്‍ രാഷ്ട്രീയമില്ല. മുന്‍ മുഖ്യമന്ത്രി എന്ന നിലയിലാണ് ഉമ്മന്‍ ചാണ്ടി പരിപാടിയില്‍ പങ്കെടുത്തതെന്നും അദ്ദേഹം പറഞ്ഞു.
