വിജയ് സേതുപതി നായകനായി അഭിനയിക്കുന്ന പുതിയ ചിത്രത്തില്‍ നായിക മഞ്ജിമ മോഹന്‍. ഗൗതം മേനോന്‍ ഒരുക്കിയ അച്ചം എന്‍ബദ് മദമയഡ എന്ന ചിത്രത്തിലൂടെ തമിഴ് സിനിമയില്‍ അരങ്ങേറിയ മഞ്ജിമയുടെ തമിഴിലെ രണ്ടാമത്തെ പ്രോജക്ടാണിത്.
ഈ ചിത്രം സംവിധാനം ചെയ്യുന്നത് കോ, അയന്‍, അനേഗന്‍ തുടങ്ങിയ ചിത്രങ്ങളൊരുക്കിയ പ്രമുഖ സംവിധായകനും കാമറാമാനുമായ കെ.വി.ആനന്ദാണ്.
ആദ്യമായാണ് വിജയ് സേതുപതിയും സംവിധായകന്‍ കെ.വി.ആനന്ദും ഒന്നിക്കുന്നത്.
എ.ജി.എസ് എന്റര്‍ടെയിന്‍മെന്റ് നിര്‍മ്മിക്കുന്ന ഈ ചിത്രത്തില്‍ ടി. രാജേന്ദറും ഒരു പ്രധാന വേഷത്തില്‍ എത്തുന്നുണ്ട്. ഇതു വരെ പേരിട്ടിട്ടില്ലാത്ത ഈ പ്രോജക്ടിന്റെ മറ്റു വിശദാംശങ്ങളൊന്നും സ്ഥിരീകരിച്ചിട്ടില്ല.
