സിനിമയിലേക്കുള്ള തിരിച്ചുവരവിനു ശേഷം ശ്രദ്ധേയ സിനിമകളും കഥാപാത്രങ്ങളും ചെയ്ത് മുന്നേറുകയാണ് മഞ്ജു വാര്യര്‍. നടിയുടെ പുതിയ ചിത്രങ്ങള്‍ക്കായെല്ലാം ആകാംക്ഷകളോടെ ആരാധകര്‍ കാത്തിരിക്കാറുണ്ട്. ഇപ്പോഴിതാ സിനിമാത്തിരക്കുകള്‍ക്കിടെ താരം പങ്കുവെച്ച വീഡിയോ ആണ് വൈറലായിരിക്കുന്നത്.
ബഹ്റൈനിലെ ഗല്‍ഫ് ഹോട്ടലില്‍ നിന്നുള്ള താരത്തിന്റെ ഒരു വീഡിയോ ആണ് മഞ്ജു പങ്കുവെച്ചത്. ഭക്ഷണം കഴിക്കുന്നതിനിടയില്‍ അവിടത്തെ ഷെഫിനൊപ്പമുളള രസകരമായ നിമിഷങ്ങളാണ് വീഡിയയിലുളളത്. ഷെഫ് ഇട്ടുകൊടുക്കുന്ന ഭക്ഷണം ടേബിളിനപ്പുറത്തിരുന്ന് വാ ഉപയോഗിച്ച് നടി ചാടിപ്പിടിക്കുന്ന നിമിഷങ്ങള്‍ താരം തന്നെയാണ് ഇന്‍സ്റ്റഗ്രാമില്‍ പങ്കുവച്ചിരിക്കുന്നത്.
‘നല്ല ഭക്ഷണം പോലെ ആളുകളെ ഒന്നിച്ചുകൊണ്ടുവരുന്ന മറ്റൊന്നും ഇല്ല, ഉച്ചഭക്ഷണം വളരെ രസകരമാക്കിയതിന് ഷെഫ് റെയ്മണ്ടിന് നന്ദി അറിയിച്ചു കൊണ്ടുള്ള കുറിപ്പും വീഡിയോയ്‌ക്കൊപ്പം മഞ്ജു പങ്കുവെച്ചിരുന്നു. ബഹ്റിനില്‍ വെച്ചു നടന്ന കേരളീയ സമാജത്തില്‍ നൃത്തം അവതരിപ്പിക്കാന്‍ എത്തിയതായിരുന്നു നടി. കാലില്‍ ചിലങ്കയണിഞ്ഞു നില്‍ക്കുന്ന താരത്തിന്റെ ചിത്രങ്ങളും കഴിഞ്ഞ ദിവസം വൈറലായിരുന്നു.
https://www.instagram.com/p/B5PNtQZpTMQ/?utm_source=ig_web_copy_link
