സ്റ്റുട്ട്ഗര്‍ട്ട്: 15 മാസത്തെ നീണ്ട വിലക്കിനു ശേഷം ആദ്യ മത്സരത്തിനിറങ്ങിയ മരിയ ഷറപ്പോവയ്ക്ക് തകര്‍പ്പന്‍ ജയം. സ്റ്റുട്ട്ഗര്‍ട്ട് ഓപ്പണില്‍ ഇറ്റാലിയന്‍ താരം റോബര്‍ട്ട വിന്‍ചിയെ തോല്‍പ്പിച്ചാണ് ഷറപ്പോവ വമ്പന്‍ തിരിച്ച് വരവ് നടത്തിയത്. സ്‌കോര്‍ ; 7-5, 6-3
ഉത്തേജക മരുന്ന് പരിശോധനയില്‍ പിടിക്കപ്പെട്ടതിനെ തുടര്‍ന്നാണ് ഷറപ്പോവയ്ക്ക് വിലക്കേര്‍പ്പെടുത്തിയിരുന്നത്. അതിനുശേഷം വൈല്‍ഡ് കാര്‍ഡ് എന്‍ട്രിയിലൂടെയാണ് ഷറപ്പോവ ടൂര്‍ണമെന്റിന് യോഗ്യത നേടിയത്.
കരോളിന്‍ വോസ്‌നിയാക്ക, ആഞ്ചലിക് കെര്‍ബര്‍ തുടങ്ങിയ പ്രമുഖ താരങ്ങള്‍ ഷറപ്പോവയ്ക്ക് വൈല്‍ഡ് കാര്‍ഡ് എന്‍ട്രി നല്‍കിയതിനെതിരെ രംഗത്തെത്തിയിരുന്നു. എന്നാല്‍ സെറീന വീല്യംസ്, നൊവാക് ജോകോവിച്ച് തുടങ്ങിയ താരങ്ങള്‍ ഷറപ്പോവയ്ക്ക് പിന്തുണ നല്‍കിയിരുന്നു.’ജീവിതത്തിലെ വലിയ നിമിഷം’ എന്നാണ് ഈ വിജയത്തെ ഷറപ്പോവ വിശേഷിപ്പിച്ചത്.
