ദോഹ: തുടര്‍ച്ചയായ നാല്‍പ്പത്തിരണ്ടാം വിജയം ലക്ഷ്യമിട്ടിറങ്ങിയ സാനിയ മിര്‍സ ഹിന്‍ജിസ് സഖ്യത്തിന് ഖത്തര്‍ ഓപ്പണില്‍ തോല്‍വി. ലോക ഒന്നാം നമ്പര്‍ സഖ്യമാണ് സാനിയുടേയും ഹിന്‍ജിസിന്റെയും. റഷ്യയുടെ എലന വെസിന ധരിയ കസട്കിന സഖ്യത്തിനോട് 2 6, 6 4, 10 5 സെറ്റുകള്‍ക്കായിരുന്നു പരാജയം.
ഓസ്‌ട്രേലിയന്‍ ഓപ്പണ്‍, സിഡ്‌നി ഇന്റര്‍നാഷനല്‍ കിരീടം, സെന്റ് പീറ്റേഴ്‌സ്ബര്‍ഗ് ലേഡീസ് ട്രോഫി എന്നിങ്ങനെ തുടര്‍ച്ചയായി കിരീടങ്ങള്‍ സ്വന്തമാക്കിക്കൊണ്ടിരിക്കുന്ന സാനിയ സഖ്യം ഇതുവരെ പന്ത്രണ്ട് കിരീടങ്ങള്‍ നേടിയിട്ടുണ്ട്. എന്നാല്‍ സഖ്യത്തിന് ഇതുവരെ ഖത്തര്‍ ഓപ്പണ്‍ വിജയിക്കാനായിട്ടില്ല.
