കഴിഞ്ഞ വര്‍ഷം മലയാള സിനിമാ മേഖയില്‍ ഏറ്റവുമധികം പ്രേക്ഷക ശ്രദ്ധയും നിരൂപക ശ്രദ്ധയും ഏറ്റുവാങ്ങിയ ആഷിക് അബു ചിത്രം മായാനദി ബോളിവുഡിലേക്ക് റീമേക്ക് ചെയ്യുന്നു. ഇന്നലെ നടന്ന നീരാളിയുടെ ഓഡിയോ ലോഞ്ചിന് ശേഷം മോഹന്‍ലാലിന്റെ സാന്നിധ്യത്തിലാണ് പ്രഖ്യാപനം നടന്നത്. നീരാളിയുടെ ഓഡിയോ ലോഞ്ചിന് നടന്‍ ടൊവിനോ തോമസും എത്തിയിരുന്നു.
മായാനദിയുടെ ബോളിവുഡ് റീമേക്കിലും സന്തോഷ് ടി.കുരുവിളയും ആഷിക് അബുവും സഹനിര്‍മ്മാതാക്കളാണ്. ഒപ്പം ബോളിവുഡ് മറാത്തി നടന്‍ പില്‍ഗോങ്കറും നിര്‍മാണ പങ്കാളികളാണ്. അഭിനേതാക്കളെക്കുറിച്ച് വിവരങ്ങളൊന്നും ലഭിച്ചിട്ടില്ല.
mayanadhi film
അമല്‍ നീരദിന്റെ കഥയ്ക്ക് ശ്യാം പുഷ്‌കരനും ദിലീഷ് നായരും ചേര്‍ന്നാണ് തിരക്കഥ ഒരുക്കിയിരിക്കുന്നത്. ഛായാഗ്രഹണം ജയേഷ് മോഹനും സംഗീതം റെക്‌സ് വിജയനും നിര്‍വഹിച്ചു. ആഷിഖിന്റെ ഏറ്റവും മികച്ച സിനിമ എന്ന രൂപത്തിലേക്ക് കുതിച്ച സിനിമ കൂടിയാണ് മായാനദി.
