യുദ്ധവും പട്ടാളചിട്ടയുമൊക്കെ മലയാളികള്‍ക്ക് മുന്നിലെത്തിച്ച സംവിധായകന്‍ മേജര്‍ രവി പ്രണയചിത്രം എടുക്കാനൊരുങ്ങുകയാണ്.
യുവാക്കളുടെ ഹരമായി മാറിയ ജനപ്രീയ നടന്‍ നിവിന്‍ പോളിയാണ് ചിത്രത്തിലെ നായകന്‍.
യഥാര്‍ത്ഥ സംഭവത്തെ ആധാരമാക്കിയാണ് സിനിമയുടെ കഥ.താന്‍ ആദ്യമായിട്ടാണ് ഇത്തരത്തില്‍ പ്രണയം കൈകാര്യം ചെയ്യുന്നതെന്നും സ്‌നഹത്തിനുവേണ്ടി നമ്മള്‍ എന്തെങ്കിലും ചെയ്യാന്‍ തയ്യാറായാല്‍ പ്രണയം വിജയിക്കുമെന്നും മേജര്‍ രവി പറഞ്ഞു.
നിവിന്‍ ആദ്യമായിട്ടാണ് മേജര്‍ രവിയുടെ ചിത്രത്തില്‍ അഭിനയിക്കുന്നത്. വളരെ വലിയ താരനിര തന്നെ ചിത്രത്തില്‍ അണിനിരക്കുന്നുണ്ട് നായികയായി പുതുമുഖത്തെ തേടുകയാണെന്നും സംവിധായകനായ മേജര്‍ രവി പറയുന്നു.
ചിത്രത്തില്‍ ഗോപി സുന്ദര്‍ സംഗീത സംവിധാനവും ജോമോന്‍ ടി ജോണ്‍ ക്യമറയും കൈകാര്യം ചെയ്യും.
മോഹന്‍ലാല്‍ നായകനായ 1971 ബിയോണ്ട് ബോര്‍ഡേഴ്‌സ് ചിത്രത്തിന്റെ റിലീസിങ് തിരക്കിലാണ് ഇപ്പോള്‍ മേജര്‍ രവി.
