ബാഴ്‌സലോണ: വലന്‍സിയക്കെതിരെ ബാഴ്‌സയ്ക്ക് രക്ഷകനായി ലയണല്‍ മെസി. ലാലിഗയില്‍ രണ്ടു ഗോളുകള്‍ക്ക് മുന്നിട്ടുനിന്ന ശേഷമായിരുന്നു വലന്‍സിയ സമനില വഴങ്ങിയത്. ആദ്യ പകുതിയില്‍ 32 മിനിറ്റിനിടെ കെവിന്‍ ഗാമേറിറോ, ഡാനിയേല്‍ പറേജോ എന്നിവര്‍ വലന്‍സിയയെ മുന്നിലെത്തിച്ചു.
മുപ്പത്തിയൊമ്പതാം മിനിറ്റിലെ മെസ്സി മാജിക്കില്‍ ബാഴ്‌സയ്ക്ക് ഒരു ഗോള്‍ ലഭിച്ചു. 64ാം മിനിറ്റില്‍ മെസി തന്നെ സമനില ഗോളും നേടി ബാഴ്‌സയ്ക്ക് രക്ഷകനാവുകയായിരുന്നു. 22 കളിയില്‍ 50 പോയിന്റുള്ള ബാഴ്‌സയ്ക്ക് അത്‌ലറ്റിക്കോ മാഡ്രിഡിനേക്കാള്‍ ആറ് പോയിന്റിന്റെ ലീഡായി.
മത്സരത്തിനിടെ മെസിയുടെ തുടയ്ക്ക് പരിക്കേറ്റെങ്കിലും ബുധനാഴ്ച റയല്‍ മാഡ്രിഡിനെതിരായ എല്‍ ക്ലാസ്സിക്കോയില്‍ സൂപ്പര്‍ താരം കളിക്കുമെന്നാണ് പ്രതീക്ഷ. അതേസമയം അത്‌ലറ്റിക്കോ മാഡ്രിഡും റയല്‍ മാഡ്രിഡും ഇന്ന് 22ാം റൗണ്ട് മത്സരത്തിനിറങ്ങും.
