പാരീസ്: ഫ്രഞ്ച് ലീഗ് ഫുട്‌ബോളില്‍ ലീഡുയര്‍ത്തി പിഎസ്ജി. ഒന്നിനെതിരെ മൂന്ന് ഗോളിന് ലെന്‍സിനെ തോല്‍പ്പിച്ചാണ് പിഎസ്ജി കിരീടത്തോട് ഒരുപടി കൂടി അടുത്തത്. കിലിയന്‍ എംബാപ്പേ, വിറ്റീഞ്ഞ, ലിയണല്‍ മെസി എന്നിവരാണ് പിഎസ്ജിയുടെ ഗോളുകള്‍ നേടിയത്.
സാലിസ് അബ്ദുല്‍ അഹമ്മദ് പത്തൊന്‍പതാം മിനിറ്റില്‍ ചുവപ്പ് കാര്‍ഡ് കണ്ടതോടെ ഭൂരിഭാഗം സമയവും ലെന്‍സ് പത്തുപേരുമായാണ് കളിച്ചത്. പിഎസ്ജിക്ക് 72 പോയിന്റും രണ്ടാം സ്ഥാനത്തുള്ള ലെന്‍സിന് 63 പോയിന്റുമാണുള്ളത്.
Can't get over this linkup between Lionel Messi and Mbappe, WHAT A GOAL!!!pic.twitter.com/AnGqSJ41q4
— F R E D (@AFCFrediNho_) April 15, 2023
ഗോള്‍ നേട്ടത്തോടെ മറ്റൊരു റെക്കോര്‍ഡ് കൂടി മെസി അക്കൗണ്ടില്‍ ചേര്‍ത്തു. ഏറ്റവും കൂടുതല്‍ തവണ ഗോളിന്റെ ഭാഗമാവുന്ന താരമായി. മെസിക്ക് 1004 ഗോള്‍+ അസിസ്റ്റുണ്ട്. പെലെയെയാണ് മെസി മറകടന്നത്. മാത്രമല്ല, യൂറോപ്പിലെ ഏറ്റവും മികച്ച അഞ്ച് ലീഗുകളില്‍ ഏറ്റവും കൂടുതല്‍ ഗോളുകളുള്ള താരവും മെസിയായി. 495 ഗോളുകളാണ് മെസിക്കുള്ളത്. ഈ സീസണില്‍ മാത്രം 15 ഗോളും 14 അസിസ്റ്റും മെസി ലീഗില്‍ നേടി.
