ഇന്ത്യയില്‍ ക്രിക്കറ്റ് പരമ്പരയ്‌ക്കൊരുങ്ങുന്ന ആസ്‌ട്രേലിയന്‍ ടീമിന് മുന്‍ താരം മൈക്കല്‍ ഹസി മുന്നറിയിപ്പ് നല്‍കിയതിങ്ങനെയാണ്; എതിര്‍ ടീമംഗങ്ങളെ ചീത്ത പറയുന്ന ഓസീസ് ടീമിന്റെ സ്വഭാവം വിരാട് കോഹ്ലിക്കും സംഘത്തിനുമെതിരെ പുറത്തെടുക്കരുതെന്നും അത് ചിലപ്പോള്‍ തിരിച്ചടിയാകുമെന്നും ഹസി പറഞ്ഞു.എല്ലാ തരത്തിലും ഒരു തികഞ്ഞ എതിരാളിയാണ് വിരാട് കോഹ്ലി.
ഓസീസ് ടീമംഗങ്ങള്‍ ചീത്ത പറഞ്ഞാല്‍ അതു കോഹ്ലിക്ക് കൂടുതല്‍ കരുത്ത് പകരുന്നതിന് മാത്രമേ സഹായിക്കൂ.കളിക്കിടയിലുണ്ടാകുന്ന വാക്കുതര്‍ക്കം ആസ്വദിക്കുന്ന വ്യക്തിയാണ് കോഹ്ലി എന്നതുകൊണ്ടു തന്നെ കളിക്കുന്നത് താനാണെങ്കില്‍ വാക്കുതര്‍ക്കത്തിനു പോകാറില്ല.തികഞ്ഞ ആസൂത്രണ ബോധത്തോടെ കളിക്കുകയാണ് വേണ്ടതെന്നും അദ്ദേഹം കൂട്ടിച്ചേര്‍ത്തു.
