മൈക്രോമാക്‌സിന്‍റെ പുതിയ സ്മാര്‍ട്ട്ഫോണ്‍ സെല്‍ഫി 2 ഇനി ഓണ്‍ലൈന്‍ വിപണികളില്‍ നിന്നും വാങ്ങാം.
ഇന്ത്യയിൽ പുറത്തിറക്കിയ സ്മാര്‍ട്ട്ഫോണ്‍ മെറ്റല്‍ ബോഡിയില്‍ അള്‍ട്രാ ഫാസ്റ്റ് ഫിംഗര്‍ പ്രിന്‍റ് സവിശേഷതയുള്ളതാണ്.
9999 രൂപയാണ് ഫോണിന്റെ വില. സെല്‍ഫി പ്രേമികളെ ലക്ഷ്യമിട്ടാണ് സെല്‍ഫി 2 മൈക്രോമാക്‌സ് പുറത്തിറക്കിയിക്കുന്നത്.
എല്‍ഇഡി ഫ്ലാഷ്ലൈറ്റുള്ള 8 മെഗാപിക്‌സലിന്‍റെ ഫ്രണ്ട് ക്യാമറയാണ് ഇതിനുള്ളത്. 13 മെഗാപിക്‌സലിന്‍റേതാണ് പിന്‍ക്യാമറ.
ക്യാമറ ആപ്പില്‍ ബോക്കേ ഇഫക്റ്റ്, സൂപ്പര്‍ പിക്‌സല്‍ ടെക്‌നോളജി തുടങ്ങിയ സംവിധാനങ്ങളും അവതരിപ്പിച്ചിട്ടുണ്ട്.
5.2 ഇഞ്ച് എച്ച്ഡി 2.5ഡി ഡിസ്‌പ്ലേ, മീഡിയാടെക് എംടി 6737 ക്വാഡ്‌കോര്‍ പ്രൊസസര്‍, 3ജിബി റാം, 32 ജിബി ഇന്‍റേണല്‍ മെമ്മറി, 32 ജിബി ഇന്‍റേണല്‍ സ്റ്റോറേജ്, 64 ജിബി വരെ വര്‍ധിപ്പിക്കാവുന്ന മൈക്രോ എസ്ഡി കാര്‍ഡ് സൗകര്യം, 3000 mAh ബാറ്ററി, 4ജി വോള്‍ടി, ഡ്യുവല്‍ സിം, വൈഫൈ, ബ്ലൂടൂത്ത് എന്നിവയാണ് ആന്‍ഡ്രോയിഡ് 7.0 ന്യൂഗട്ടില്‍ പ്രവര്‍ത്തിക്കുന്ന സെല്‍ഫി 2വിന്‍റെ സവിശേഷതകള്‍.
