തിരുവനന്തപുരം: അമ്പൂരിയില്‍ മധ്യവയസ്‌കനെ വീടിനുള്ളില്‍ വെട്ടേറ്റ് മരിച്ച നിലയില്‍ കണ്ടെത്തി. അമ്പൂരി കണ്ണന്‍തിട്ട സ്വദേശി സെന്‍വ്വ മുത്തുവിനെയാണ് വീടിനുള്ളില്‍ മരിച്ച നിലയില്‍ കണ്ടെത്തിയത്. ഭാര്യയെ നെയ്യാര്‍ഡാം പൊലീസ് ചോദ്യം ചെയ്യുകയാണ്.
രാവിലെ സമീപത്തെ നാട്ടുകാരാണ് കൊലപാതകവിവരം ആദ്യം അറിഞ്ഞത്. സംശയാസ്പദമായ നിലയില്‍ ആയുധങ്ങളുമായി ഭാര്യയെ കണ്ടെത്തിയതിനെ തുടര്‍ന്ന് നാട്ടുകാര്‍ പൊലീസില്‍ അറിയിക്കുകയായിരുന്നു. ഇവര്‍ക്ക് മാനസിക പ്രശ്‌നങ്ങളുണ്ടെന്നാണ് വിവരം. മൃതദേഹം മെഡിക്കല്‍ കോളേജിലേക്ക് മാറ്റി.
