ശ്രീനഗര്‍: ജമ്മു കശ്മീരിലെ ഷോപിയാനില്‍ നടന്ന ഏറ്റുമുട്ടലില്‍ സൈന്യം ഒരു ഭീകരനെ വധിച്ചു. ഒരു സൈനികനു പരുക്കേറ്റു.
സൗത്ത് കശ്മീരിലെ ഷോപ്പിയാന്‍ ജില്ലയില്‍ സുരക്ഷാ സൈന്യം നടത്തിയ റെയ്ഡിനിടെയാണ് ഏറ്റുമുട്ടലുണ്ടായത്.
നാലു ആയുധാരികള്‍ ഒളിച്ചിരിക്കുന്നെന്ന രഹസ്യ വിവരത്തിന്റെ അടിസ്ഥാനത്തില്‍ പൊലീസും സൈന്യവും ദോബ്ജാന്‍ ഗ്രാമം വളയുകയായിരുന്നു.
ഭീകരര്‍ ഒളിച്ചിരുന്നതെന്ന് കരുതുന്ന വീട്ടിലേക്ക് കയറിയ സൈനികര്‍ക്കുനേരെ ആയുധാരികള്‍ വെടിവെപ്പ് നടത്തുകയായിരുന്നു.
തിരിച്ച് സൈനികര്‍ നടത്തിയ വെടിവെപ്പിലാണ് ഒരു ഭീകരന്‍ കൊല്ലപ്പെട്ടതെന്ന് ഔദ്യോഗിക വൃത്തങ്ങള്‍ അറിയിച്ചു. മേഖലയില്‍ ഏറ്റുമുട്ടല്‍ തുടര്‍ന്ന് കൊണ്ടിരിക്കുകയാണ്.
