കൊച്ചി: മിഷേല്‍ ഷാജിയുടെ മരണത്തില്‍ നിരപരാധിയാണെന്ന് അറസ്റ്റിലായ ക്രോണിന്‍.
സാധാരണ പ്രശ്‌നങ്ങള്‍ മാത്രമേ മിഷേലുമായി ഉണ്ടായിരുന്നുള്ളൂ. ആത്മഹത്യയിലേക്ക് നയിക്കുന്ന തരത്തിലുള്ള പ്രശ്‌നങ്ങള്‍ ഉണ്ടായിരുന്നില്ലെന്നും യുവാവ് പറഞ്ഞു.
പള്ളിയില്‍ പോകുന്നുവെന്നാണ് മിഷേല്‍ അവസാനമായി പറഞ്ഞത്. താനും മിഷേലും തമ്മിലുള്ള സൗഹൃദം നേരത്തെതന്നെ ബന്ധുക്കള്‍ക്ക് അറിയാമായിരുന്നുവെന്നും യുവാവ് പറഞ്ഞു.
എന്നാല്‍ ക്രോണിനെ തനിക്ക് അറിയില്ലെന്ന് മിഷേലിന്റെ പിതാവ് ഷാജി പറഞ്ഞിരുന്നു.
ഛത്തീസ്ഗഡില്‍ ജോലി ചെയ്യുന്ന ക്രോണിനെ ആത്മഹത്യാ പ്രേരണക്കുറ്റം ചുമത്തിയാണ് പോലീസ് അറസ്റ്റുചെയ്തത്. മിഷേലിനെ കാണാതായതിന്റെ തലേദിവസം ക്രോണിന്റെ ഫോണില്‍നിന്ന് മിഷേലിന് 57 സന്ദേശങ്ങള്‍ അയച്ചിട്ടുണ്ട്.
