മെല്‍ബണ്‍: ഓസിസ് പര്യടനം തുടങ്ങിയ സമയം മുതല്‍ പല തരം വാക് പോരുകള്‍ക്ക് സോഷ്യല്‍ മീഡിയ സാക്ഷ്യം വഹിച്ചിട്ടുണ്ട്. ഇരു ടീമിലെയും താരങ്ങള്‍ തമ്മിലുള്ള വാക് പോര് മുതല്‍ ആരാധക സംഘങ്ങളുടെ ഏറ്റുമുട്ടലുകള്‍ വരെ അനേകം കാര്യങ്ങള്‍ ഇതു വരെ ഉണ്ടായി. എന്നാല്‍ ആ ഏറ്റുമുട്ടലുകളില്‍ നിന്നൊക്കെ വ്യത്യസ്തമായി ഒരു വാക് പോരിനാണ് സോഷ്യല്‍ മീഡിയ ഇന്നലെ സാക്ഷിയായത്.
Pujara is a Test playing run machine ??
— Mitchell Johnson (@MitchJohnson398) December 26, 2018
ഇന്ത്യന്‍ ആരാധകരും മുന്‍ ഓസീസ് പേസര്‍ മിച്ചല്‍ ജോണ്‍സനും തമ്മിലാണ് ഇന്നലെ ഏറ്റുമുട്ടിയത്. ചേതേശ്വര്‍ പൂജാര ടെസ്റ്റിലെ റണ്‍ മെഷീനാണെന്ന് പറഞ്ഞ് മുന്‍ ഓസീസ് പേസര്‍ മിച്ചല്‍ ജോണ്‍സണിട്ട ട്വീറ്റിന് താഴെ കമന്റിട്ട രണ്ട് ഇന്ത്യന്‍ ആരാധകര്‍ക്കാണ് ജോണ്‍സണ്‍ അതേനാണയത്തില്‍ മറുപടി നല്‍കിയത്.
Still can't forget the nightmare #Virat gave u on 2013-14 tour ?
— ab rahuman (@abu_rahu) December 26, 2018
ജോണ്‍സണിട്ട ട്വീറ്റിന് മറുപടിയായി 2014ലെ ഓസ്‌ട്രേലിയന്‍ പര്യടനത്തില്‍ നാലു സെഞ്ച്വറി അടിച്ച ഇന്ത്യന്‍ നായകന്‍ വിരാട് കൊഹ്‌ലി താങ്കള്‍ക്ക് പേടി സ്വപ്നമായിരുന്നില്ലെ എന്നായിരുന്നു ഇന്ത്യന്‍ ആരാധകന്‍ ചോദിച്ചത്. എന്നാല്‍ എന്ത് പേടി സ്വപ്നം എന്നാണ് താങ്കള്‍ പറയുന്നത്. എനിക്ക് തോന്നുന്നത് ഞങ്ങള്‍ പരമ്പര ജയിച്ചതിനുശേഷം കൊഹ്‌ലിക്കാണ് ഞങ്ങള്‍ പേടി സ്വപ്നമായത് എന്നായിരുന്നു ജോണ്‍സന്റെ മറുപടി.
അതിന് പിന്നാലെ ഓസ്‌ട്രേലിയ ജയിച്ചത് പരിചിത സാഹചര്യങ്ങളില്‍ കൊണ്ടാണെന്നും ആരാധക പിന്തുണയില്ലാഞ്ഞിട്ടും ഓസീസ് മണ്ണില്‍ കൊഹ്‌ലി നാലു സെഞ്ച്വറി അടിച്ചില്ലെ എന്ന് മറ്റൊരു ആരാധകന്‍ ചോദിച്ചു. ആ ചോദ്യത്തിനും ജോണ്‍സണ്‍ തക്ക മറുപടി നല്‍കി. നല്ല, ഒഴികഴിവ്, ഓസ്‌ട്രേലിയ പരമ്പര ജയിച്ചു, അതില്‍ എന്നാല്‍ എന്നൊന്നും ഇല്ല, ഒരു കളിക്കാരനും എനിക്കോ ഓസീസ് ടീമിനോ പേടി സ്വപ്നമായിരുന്നില്ല. ഞങ്ങള്‍ ജയിച്ചു എന്നതാണ് പ്രധാനം, കാര്യങ്ങള്‍ ലളിതമാണെന്നായിരുന്നു ജോണ്‍സണ്‍ പറഞ്ഞത്.
You won because it was the conditions you were used to but Virat irrespective of home support hit centuries that's a true nightmare
— Saif Khalfay (@KhalfaySaif) December 26, 2018
എന്ത് തന്നെയായാലും തങ്ങളുടെ ട്വീറ്റ്കള്‍ക്ക് മറുപടി പറയാന്‍ സാക്ഷാല്‍ മിച്ചല്‍ ജോണ്‍സണ്‍ തന്നെ നേരിട്ടെത്തിയതിന്റെ ഹരത്തിലാണ് ഇന്ത്യന്‍ ആരാധകര്‍.
