തിരുവനന്തപുരം: ഉത്സവപ്പറമ്പില്‍ പോക്കറ്റടിച്ചിട്ട് കള്ളന്‍ എന്ന് വിളിച്ചുപറയുന്ന ആളെപ്പോലെയാണ് മന്ത്രി എംഎം മണിയെന്ന് കെപിസിസി അധ്യക്ഷന്‍ എം എം ഹസന്‍.
സ്ത്രീകളോട് മോശമായി പെരുമാറിയതിന് നേതാക്കളെ പുറത്താക്കിയ പാര്‍ട്ടിയാണ് സിപിഎം. എന്നിട്ടാണ് കോണ്‍ഗ്രസിനെ ആക്ഷേപിക്കുന്നതെന്നും ഹസന്‍ പറഞ്ഞു.
കോണ്‍ഗ്രസ് നേതാക്കളില്‍ സ്ത്രീപീഡകരുണ്ടെന്ന എം എം മണിയുടെ വാക്കുകളോട് പ്രതികരിക്കുകയായിരുന്നു അദ്ദേഹം.
വിവാദ പരാമര്‍ശം നടത്തിയ എം എം മണിയെ മുഖ്യമന്ത്രി സംരക്ഷിക്കുന്നതില്‍ ഗൂഢാലോചനയുണ്ടെന്നും എംഎം ഹസന്‍ കൂട്ടിച്ചേര്‍ത്തു.
