മൊഹാലി: മൊഹാലി ടെസ്റ്റില്‍ ഇംഗ്ലണ്ട് ഇന്ത്യക്കെതിരേ ബാറ്റിംഗ് തെരഞ്ഞെടുത്തു. ഇന്ത്യന്‍ ടീമില്‍ മലയാളി താരം കരുണ്‍ നായരും പാര്‍ഥിവ് പട്ടേലും ഇടംപിടിച്ചു.
കരുണിന്റെ അരങ്ങേറ്റ ടെസ്റ്റാണിത്. മൊഹാലിയിലെ പിച്ചും സ്പിന്നിനെ അകമഴിഞ്ഞു പിന്തുണയ്ക്കുമെന്നാണ് കരുതുന്നത്.
അഞ്ചു മത്സര പരമ്പരയില്‍ മൊഹാലിയും കൈപ്പിടിയിലൊതുക്കാനായാല്‍ ഇന്ത്യക്കു പരമ്പര നഷ്ടമാകില്ലെന്നുറപ്പിക്കാം.
ഒന്നാം ടെസ്റ്റില്‍ സമനില നേടിയെങ്കിലും രണ്ടാം ടെസ്റ്റില്‍ തോല്‍വിയേറ്റു വാങ്ങിയ ഇംഗ്ലീഷ് പടയ്ക്കു പരമ്പരയിലേക്കു തിരിച്ചുവരണമെങ്കില്‍ വിജയം അനിവാര്യമാണ്.
