അനശ്വര ഗായകന്‍ മുഹമ്മദ് റാഫിയുടെ ആരാധകനായി ശ്രീനിവാസന്‍ മുഖ്യ വേഷത്തിലെത്തുന്ന പുതിയ ചിത്രം കല്ലായി എഫ്എമ്മിലെ വീഡിയോ ഗാനം പുറത്തിറങ്ങി. ശ്രീനിവാസന്‍ തന്നെ സംഭാഷണം നിര്‍വഹിച്ചിരിക്കുന്ന ചിത്രം തിരക്കഥയൊരുക്കി സംവിധാനം ചെയ്യുന്നത് വിനീഷ് മില്യണിയമാണ്.
ഗോപി സുന്ദര്‍ സംഗീതം നല്‍കുന്ന ചിത്രത്തിലെ ‘ ഈ സ്വപ്നങ്ങള്‍ ‘ എന്നു തുടങ്ങുന്ന ഗാനമാണ് പുറത്തെത്തിയിരിക്കുന്നത്. ശ്രീനാഥ് ഭാസി, പാര്‍വതി രതീഷ്, അനീഷ് ജി മേനോന്‍, കലാഭവന്‍ ഷാജോണ്‍, കോട്ടയം നസീര്‍, സുനില്‍ സുഖദ, കൃഷ്ണപ്രഭ തുടങ്ങിയവരും ചിത്രത്തില്‍ അണിനിരക്കുന്നുണ്ട്.
