മോഹന്‍ലാലും മേജര്‍ രവിയും വീണ്ടും ഒന്നിക്കുന്നു. കീര്‍ത്തിചക്രയും കുരുക്ഷേത്രയും കാണ്ടഹാറും കര്‍മയോദ്ധയും സമ്മാനിച്ച ജോഡി ഇക്കുറി ഒരു പാട്ടളക്കഥയോ ആക്ഷന്‍ ചിത്രമോ അല്ല, കുടുംബചിത്രമാണ് ഒരുക്കുന്നത്. ജോണ്‍പോള്‍ തിരക്കഥ ഒരുക്കുന്ന ചിത്രത്തില്‍ ബാലു എന്ന ഡല്‍ഹിക്കാരന്‍ വ്യവസായിയെയാണ് ലാല്‍ അവതരിപ്പിക്കുന്നത്. ഡല്‍ഹിയില്‍ ഉണ്ടാകുന്ന ഒരു ബോംബ്‌സ്‌ഫോടനം രണ്ട് കുടുംബങ്ങളെ തകര്‍ത്തെറിയുന്നതാണ് ഇതിവൃത്തം.
ഏറെക്കാലത്തിനുശേഷമാണ് ജോണ്‍പോള്‍ ഒരു ചിത്രത്തിന് തിരക്കഥയൊരുക്കുന്നത്. 2007ല്‍ പൃഥ്വിരാജിനെയും ഇന്ദ്രജിത്തിനെയും നായകരാക്കി വിജി തമ്പി ഒരുക്കിയ നമ്മള്‍ തമ്മിലാണ് ജോണ്‍ പോള്‍ അവസാനമായി തിരക്കഥയൊരുക്കിയത്.
