നടന്‍, സംവിധായകന്‍ എന്നീ നിലകളില്‍ സുപരിചിതനാണ് തെന്നിന്ത്യന്‍ താരം സമുദ്രക്കനി.മലയാളി പ്രേഷകര്‍ക്കും സമുദ്രക്കനി സുപരിചിതനായ നടനാണ്. പ്രിയദര്‍ശന്‍ – മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ ഒപ്പത്തില്‍ വില്ലന്‍ വേഷത്തില്‍ സമുദ്രക്കനി അഭിനയിച്ചിരുന്നു. ശിക്കാര്‍ എന്ന സിനിമയിലും മോഹന്‍ലാലിനൊപ്പം സമുദ്രക്കനി അഭിനയിച്ചിട്ടുണ്ട്.
ഇപ്പോഴിതാ ലാലേട്ടനെ നായകനാക്കി ഒരു സിനിമ ചെയ്യാന്‍ തനിക്ക് താല്‍പര്യമുണ്ടെന്ന് തുറന്ന് പറയുകയാണ് സമുദ്രക്കനി. ഒരു പ്രമുഖ ചാനലിന് നല്‍കിയ അഭിമുഖത്തിലാണ് ലാലേട്ടനെ വെച്ചുള്ള സിനിമക്ക് കഥ തയ്യാറാണെന്ന് സമുദ്രക്കനി പറഞ്ഞത്. മലയാളത്തിലോ തമിഴിലോ അദ്ദേഹത്തെ വെച്ച് പടം ചെയ്യാമെന്നും അതിന് കാരണം അദ്ദേഹം ഉലക നടികര്‍ ആണെന്നും സമുദ്രക്കനി കൂട്ടിച്ചേര്‍ത്തു.
‘മോഹന്‍ലാല്‍ സാറിന് വേണ്ടിയൊരു സിനിമയ്ക്ക് എന്റെ മനസില്‍ ചില വിഷയങ്ങളുണ്ട്. എല്ലാം ശരിയായി വരികയാണെങ്കില്‍ അത്തരമൊരു സിനിമ എടുക്കും. മോഹന്‍ലാല്‍ ലോകം കീഴടക്കിയ നടനാണ്. അദ്ദേഹത്തിനൊപ്പം ജോലി ചെയ്യുന്നത് വളരെ മികച്ചൊരു അനുഭവമാണ്’ അദ്ദേഹം പറഞ്ഞു.
