കൊച്ചി: വ്യാജസിനിമ തടയാനുള്ള കേന്ദ്ര സര്‍ക്കാരിന്റെ നിയമഭേദഗതിയെ പ്രശംസിച്ച് മോഹന്‍ലാല്‍. ഇന്ത്യന്‍ സിനിമാ വ്യവസായ രംഗത്ത് കേന്ദ്രസര്‍ക്കാര്‍ തീരുമാനം വലിയ മാറ്റം ഉണ്ടാക്കുമെന്നും മോഹന്‍ലാല്‍ ട്വിറ്ററില്‍ കുറിച്ചു. മന്ത്രിസഭാ തീരുമാനത്തിന്റെ വിശദാംശങ്ങള്‍ സഹിതമായിരുന്നു മോഹന്‍ലാലിന്റെ ട്വീറ്റ്.
1952-ലെ സിനിമാട്ടോഗ്രാഫി നിയമം ഭേദഗതിചെയ്യ്ത് സിനിമകളുടെ ഡിജിറ്റല്‍ പതിപ്പ് വ്യാജമായി ഉണ്ടാക്കി വിതരണം ചെയ്യുന്നത് കര്‍ശനമായി തടയാന്‍ മന്ത്രിസഭ തീരുമാനിച്ചിരുന്നു. വ്യാജമായി സിനിമകള്‍ നിര്‍മിച്ചാല്‍ മൂന്നുവര്‍ഷംവരെ തടവും പത്തുലക്ഷം രൂപ പിഴയും നല്‍കാനാണ് വ്യവസ്ഥ. ഇതോടെ ഒരു സിനിമ പകര്‍ത്താനോ പകര്‍പ്പ് മറ്റുള്ളവര്‍ക്കു നല്കാന്‍ സഹായിക്കുകയോ ചെയ്താല്‍ ശിക്ഷിക്കപ്പെടും.
Cabinet approves the proposal to impose strict penalties against movie piracy. In fact, this step by The Government of India is undoubtedly going to be a game-changer to the film industry. #CinematographAct #AgainstPiracy @narendramodi Ji @PMOIndia pic.twitter.com/ZXSqrYqYyC
— Mohanlal (@Mohanlal) February 7, 2019
