കൊച്ചി: നടന്‍ മധു ഇന്ന് 85ാം ജന്മദിനം ആഘോഷിക്കുകയാണ്. താരത്തിന് പിറന്നാള്‍ ആശംസകളുമായി നടന്‍ മോഹന്‍ലാല്‍ എത്തിയിരിക്കുകയാണ്. അദ്ദേഹത്തിന്റെ വീട്ടില്‍ വെച്ച് നടക്കുന്ന ചടങ്ങില്‍ പിറന്നാള്‍ കേക്ക് സമ്മാനിച്ചുകൊണ്ടാണ് മോഹന്‍ലാല്‍ എത്തിയത്. മോഹന്‍ലാല്‍ ഫേസ്ബുക്കില്‍ ഫോട്ടോയും പങ്കുവെച്ചിട്ടുണ്ട്.
‘കാലുഷ്യമില്ലാത്ത മനസ്സാണ് ദീര്‍ഘായുസ്സിനുള്ള സിദ്ധൗഷധം എന്ന് എന്നെയും നിങ്ങളേയും പഠിപ്പിക്കുന്നു ഈ വലിയ മനുഷ്യന്‍! എന്റെ പ്രിയ മധു സാറിന് കടലോളം സ്‌നേഹവും ജന്മദിനാശംസകളും…’ എന്നും മോഹന്‍ലാല്‍ ഫേസ്ബുക്കില്‍ കുറിച്ചു.
പ്രിയദര്‍ശന്റെ കുഞ്ഞാലിമരയ്ക്കാറിലാണ് മോഹന്‍ലാലും മധുവും ഇനി ഒന്നിച്ചഭിനയിക്കുന്നത്. ചിത്രത്തിന്റെ ഷൂട്ടിംഗ് നവംബറില്‍ ഹൈദരാബാദില്‍ ആരംഭിക്കും.
