മലയാളികളുടെ മനസ്സില്‍ എന്നും നിലല്‍ക്കുന്ന ചിത്രമാണ് മണിചിത്രത്താഴും പത്മരാജന്റെ തൂവാനത്തുമ്പികളും. മോഹന്‍ലാലിന്റെ ഈ ചിത്രങ്ങള്‍ ഇന്നും പ്രിയങ്കരം എന്ന കാര്യത്തില്‍ സംശയമില്ല. അതിലെ കഥാപാത്രങ്ങളായ സണ്ണി, ഗംഗ, ക്ലാര, ജയകൃഷ്ണന്‍ എന്നിവരെയും മറക്കാന്‍ സാധിക്കില്ല.
എണ്‍പതുകളില്‍ സിനിമയിലെത്തിയ നായികാനായകന്മാരുടെ കൂട്ടായ്മയില്‍ ഈ ചിത്രത്തിലെ നായികമാര്‍ക്കൊപ്പമുള്ള ഒരു ചിത്രമാണ് മോഹന്‍ലാല്‍ പങ്കുവച്ചിരിക്കുന്നത്. ‘ഗംഗയ്ക്കും ക്ലാരയ്ക്കും ഒപ്പം’ എന്നാണ് ഈ ചിത്രത്തിനൊപ്പം മോഹന്‍ലാല്‍ കുറിച്ചത്.
കറുപ്പും ഗോള്‍ഡന്‍ നിറത്തിലുമുള്ള വസ്ത്രം ധരിച്ച് മോഹന്‍ലാലും സുമലതയും ശോഭനയും. ചിരഞ്ജീവിയുടെ ഹൈദരാബാദിലെ വീട്ടില്‍ വച്ചായിരുന്നു താരങ്ങളുടെ സൗഹൃദ സംഗമം.
https://www.facebook.com/ActorMohanlal/photos/a.562983553757345/2594692647253082/?type=3&permPage=1
