ഉയര്‍ന്ന ബാറ്ററി കരുത്തില്‍ മോട്ടോ ഇ5 പ്ലസ് ഇന്ത്യയിലെത്തുന്നു. 5,000 mAh ബാറ്ററിയാണ് പുതിയ മോഡലില്‍ ഉള്‍പ്പെടുത്തിയിരിക്കുന്നത്. ഫോണിന്റെ യഥാര്‍ത്ഥ വില കമ്പനി ഇതുവരെ വ്യക്തമാക്കിയിട്ടില്ല. നിലവില്‍ ആമസോണ്‍ വഴി 11,990 രൂപയ്ക്കാണ് മോട്ടോ ഇ5 പ്ലസ് വിറ്റഴിക്കുന്നത്. ഉടന്‍ തന്നെ ഈ മോഡല്‍ വിപണിയിലെത്തിക്കുമെന്ന് കമ്പനി അധികൃതര്‍ അറിയിച്ചു.
6 ഇഞ്ച് എച്ച്ഡി ഡിസ്‌പ്ലേ, ക്വാല്‍കം സ്‌നാപ്ഡ്രാഗണ്‍ 435 പ്രോസസര്‍, 3ജിബി റാം, 32 ജിബി സ്‌റ്റോറേജ്, 12 എംപി റിയര്‍ ക്യാമറ, 8എംപി ഫ്രണ്ട് ക്യാമറ, 5,000 mAh ബാറ്ററി എന്നിവയാണ് മോട്ടോ ഇ5 പ്ലസിന്റെ പ്രധാന സവിശേഷതകള്‍.
