കൊച്ചി: മോട്ടോറോള മൊബിലിറ്റിയുടെ മോട്ടോ ഇസഡ് 2 പ്ലേ സ്മാര്‍ട്ട്‌ ഫോണ്‍ വിപണിയില്‍. ആഡ്രിനോ 506 ജി പിയോടുകൂടിയ ക്വാള്‍കോം സ്‌നാപ്ഡ്രാഗണ്‍ പ്രോസസര്‍, മോട്ടോ ഡിസ്‌പ്ലേ, മോട്ടോ ആക്ഷന്‍സ്, മോട്ടോവോയ്‌സ് എന്നിവയോടുകൂടിയ ആന്‍ഡ്രോയിഡ് 7.1.1 നൗഗട്ട്, 64 ജി ബി റോം, 4 ജി ബി റാം എന്നിവയാണ് ഫോണിന്റെ പ്രത്യേകതകള്‍.
12 എംപി ഡ്യുവല്‍ ഓട്ടോ ഫോക്കസ് പിക്‌സല്‍ പിന്‍ ക്യാമറ, 5 എംപി മുന്‍ ക്യാമറ, 3000 എംഎഎച്ച് ബാറ്ററി എന്നിവയോടുകൂടിയ സ്മാര്‍ട്ട്‌ ഫോണിന്റെ ഭാരം 145 ഗ്രാം മാത്രം.
ലൂണാര്‍ ഗ്രേ, ഫൈന്‍ ഗോള്‍ഡ് എന്നീ നിറങ്ങളില്‍ ലഭ്യം. 15 മിനിറ്റ് ചാര്‍ജ് ചെയ്യുമ്പോള്‍ ഏഴുമണിക്കൂര്‍ ഊര്‍ജ്ജമാണ് ടര്‍ബോപവര്‍ ലഭ്യമാക്കുക. നാനോ സിമ്മും ഡ്യുവല്‍ സിമ്മും ഉണ്ട്.
യു എസ് ബി സി പോര്‍ട്ട് ആണ് മോട്ടോ മോഡ്‌സ് കണക്റ്റര്‍. മോട്ടോ ഇസഡ് 2 പ്ലേ സ്മാര്‍ട്ട്‌ ഫോണിനൊപ്പം ചില ആനുകൂല്യങ്ങളും കമ്പനി നല്‍കുന്നുണ്ട്. 2000 രൂപ അടച്ചാല്‍ പലിശ രഹിത തവണ വ്യവസ്ഥയില്‍ ഫോണ്‍ സ്വന്തമാക്കാം.
കാര്‍ബണ്‍ ഫൈബര്‍ സ്‌റ്റൈല്‍ ഷെല്ലോടുകൂടിയ സൗജന്യ മോട്ടോ ആര്‍മര്‍ പായ്ക്കാണ് മറ്റൊരു ഓഫര്‍. തി
രഞ്ഞെടുക്കപ്പെട്ട മോഡലുകളില്‍ 50 ശതമാനം ഇളവ്. ഹലോ സര്‍ഫിങ് ആണ് മറ്റൊരു ഓഫര്‍.
മൊബൈല്‍ സ്‌റ്റോറുകളിലും ഫ്‌ലിപ്കാര്‍ട്ടിലും ജൂണ്‍ 14 വരെ ഫോണ്‍ ബുക്കു ചെയ്യാം. വില 27,999 രൂപ. ഒപ്പം വിസ്മയിപ്പിക്കുന്ന ഓഫറുകളും.
