ഇന്റര്‍നാഷണല്‍ ചാമ്പ്യന്‍സ് കപ്പില്‍ മാഞ്ചസ്റ്റര്‍ സിറ്റിക്കെതിരെ ശക്തമായി തിരിച്ചുവരവ് നടത്തി ലിവര്‍പൂള്‍. ഒരു ഗോളിന് പിറകില്‍ പോയ ശേഷം തിരിച്ചു വന്ന ലിവര്‍പൂള്‍ 2-1 ന് മത്സരം ജയിച്ചു.
ആദ്യം വല കുലുക്കി സിറ്റി മൂന്‍ തൂക്കം നേടിയെങ്കിലും 63-ാം മിനിറ്റില്‍ സല തന്റെ ഗോള്‍ വേട്ട ആവര്‍ത്തിച്ചു. സമനിലയില്‍ അവസാനിക്കുമെന്ന് തോന്നിയ കളിയില്‍ ഇഞ്ചുറി ടൈമില്‍ മനേയുടെ പെനാല്‍റ്റിയിലൂടെ വല കുലുക്കിയായിരുന്നു ലിവര്‍പൂള്‍ ജയം പിടിച്ചെടുത്തത്. ഡൊമനിക് സോളങ്കിയെ വീഴ്ത്തിയതിനാണ് പെനാല്‍റ്റി നല്‍കിയത്. സിറ്റിയുടെ ഏക ഗോള്‍ സാനെയാണ് നേടിയത്.
