വിനീത് അടുത്തിടെയാണ് കൊച്ചിയില്‍ നൃത്തഗൃഹം എന്നുപേരിട്ട നൃത്തവിദ്യാലത്തിന് തുടക്കമിട്ടത്. ഇപ്പോഴിതാ വിനീതിനരികില്‍ നൃത്തം അഭ്യസിക്കാന്‍ പോവുന്ന സന്തോഷം പങ്കുവെച്ചെത്തിയിരിക്കുകയാണ് നടി മുക്ത.
വിവാഹത്തോടെയാണ് മുക്ത അഭിനയത്തില്‍ നിന്നും ഇടവേളയെടുത്തത്. ഇന്‍സ്റ്റഗ്രാമിലൂടെയായിരുന്നു നൃത്തം അഭ്യസിക്കാന്‍ പോവുന്നതിന്റെ സന്തോഷം താരം പങ്കുവെച്ചത്.
രഞ്ജിനി ജോസ്, സരയു മോഹന്‍ തുടങ്ങിയവര്‍ താരത്തെ അഭിനന്ദിച്ച് എത്തിയിട്ടുണ്ട്. നാത്തൂനായ റിമി ടോമിയും താരത്തിന് ആശംസകള്‍ നേര്‍ന്ന് എത്തിയിരുന്നു. താരത്തിന്റെ പോസ്റ്റ് ഇതിനകംതന്നെ തരംഗമായി മാറിക്കഴിഞ്ഞിട്ടുണ്ട്. നൃത്തവേഷത്തിലുള്ള ചിത്രവും മുക്ത പോസ്റ്റ് ചെയ്തിരുന്നു.
എന്നെ കുഞ്ഞിലേ മുതല്‍ പഠിപ്പിച്ച എല്ലാ ഗുരുക്കളെയും (ചന്ദ്രിക ടീച്ചര്‍, രവി മാഷ്, ജിബി മാഷ്) ഓര്‍ത്തു കൊണ്ട് ഞാന്‍ വീണ്ടും തുടങ്ങുന്നു. ഒരു സിനിമയില്‍ വിനീത് ഏട്ടനോടൊപ്പം അഭിനയിക്കാന്‍ സാധിച്ചു. സിനിമയുടെ പേര് സുഖമായിരിക്കട്ടെ. ഇപ്പോള്‍ അങ്ങയുടെ നൃത്ത വിദ്യാലയത്തില്‍ പഠിക്കാന്‍ ദൈവം അവസരം ഒരുക്കിത്തന്നു. ഒരുപാട് സന്തോഷമെന്നായിരുന്നു ചിത്രത്തിനൊപ്പം മുക്ത കുറിച്ചത്.
https://www.instagram.com/p/B4t774oAXiP/?utm_source=ig_web_copy_link
