നേര്യമംഗലം: കനത്ത മഴയും മണ്ണിടിച്ചിലും കണക്കിലെടുത്ത് നേര്യമംഗലം- മൂന്നാർ റോഡിൽ ഗതാഗതത്തിനു താത്കാലിക നിരോധനം ഏർപ്പെടുത്തി.
ജില്ലാ കളക്ടറുടെ നിര്‍ദേശപ്രകാരം കൊച്ചി-ധനുഷ്‌കോടി ദേശീയപാത നേര്യമംഗലത്ത് താത്കാലികമായി അടച്ചു.
പള്ളിവാസലിനു സമീപം രണ്ടാം മൈലിലാണ് മണ്ണിടിച്ചിലുണ്ടായത്.
മണ്ണാര്‍ക്കാട്-അട്ടപ്പാടി ചുരം റോഡിലും ഗതാഗതം നിരോധിച്ചിട്ടുണ്ട്. അത്യാവശ്യ ഘട്ടത്തിലൊഴിച്ച് മലയോരമേഖലകളില്‍ രാത്രിയാത്ര ഒഴിവാക്കണമെന്നും നിര്‍ദേശമുണ്ട്. രാത്രി ഏഴുമുതൽ രാവിലെ ഏഴുവരെയുള്ള യാത്രകൾക്കാണ് നിയന്ത്രണം.
