കൊച്ചി: കോളേജ് വിട്ട് വീട്ടിലേക്കു മടങ്ങിയ വിദ്യാര്‍ത്ഥിനിയെ യുവാവ് വെട്ടി. പത്താം മൈല്‍ സ്വദേശിനി അമ്പിളിക്കാണ് വെട്ടേറ്റത്.
ഗുരുതരമായ പരിക്കുകളോടെ അമ്പിളിയെ എറണാകുളം ജനറല്‍ ആശുപത്രിയില്‍ പ്രവേശിപ്പിച്ചു.
തലയോലപ്പറമ്പ് ഡിബി കോളജ് വിദ്യാര്‍ഥിനിയാണ് അമ്പിളി. ഉദയംപേരൂരില്‍ വീടിന് സമീപത്ത് വെച്ചാണ് അമല്‍ ആക്രമിച്ചത്. ആക്രമണം നടത്തിയ അമല്‍ പൊലീസില്‍ കീഴടങ്ങി.
അമ്പിളിക്ക് കൈയ്ക്കും തലയ്ക്കുമായി മൂന്നു വെട്ടാണേറ്റത്.
അമലും അമ്പിളിയും തമ്മില്‍ ഏറെ നാളായി പ്രണയത്തിലായിരുന്നെന്നും അടുത്ത ദിവസങ്ങളില്‍ ഇരുവരും തമ്മില്‍ തെറ്റിയതാണ് അക്രമത്തില്‍ കലാശിച്ചതെന്നുമാണ് അറിയുന്നത്.
അമല്‍ ശല്യപ്പെടുത്തുന്നതായി പെണ്‍കുട്ടിയുടെ വീട്ടുകാര്‍ പൊലീസില്‍ പരാതി നല്‍കിയിരുന്നു.
