കൊല്ലം: കൊല്ലത്ത് മദ്യപിച്ച് ബഹളം വെച്ചത് ചോദ്യം ചെയ്ത യുവാവിനെ തലയ്ക്കടിച്ച് കൊന്നു. മരക്കുളത്ത് കഴിഞ്ഞ രാത്രി 11 മണിയോടെയായിരുന്നു സംഭവം നടന്നത്.
ചരുവിള പുത്തന്‍വീട്ടില്‍ ശ്യാം (21) ആണു മരിച്ചത്. വീടിനു സമീപത്തിരുന്നു ചിലര്‍ മദ്യപിച്ചു ബഹളമുണ്ടാക്കിയതു ചോദ്യം ചെയ്ത ശ്യാമിനെ നാലഞ്ചു പേരടങ്ങുന്ന സംഘമെത്തി വീട്ടില്‍ നിന്നു വിളിച്ചിറക്കി കൊണ്ടുപോയി മര്‍ദിക്കുകയായിരുന്നുവെന്നാണ് പൊലീസ് പറയുന്നത്. സംഭവവുമായി ബന്ധപ്പെട്ട് ചിലരെ കസ്റ്റഡിയിലെടുത്തെന്നാണ് സൂചന.
