മൊഗദിഷു: കെനിയന്‍ അതിര്‍ത്തിയിലുള്ള സൊമാലിയന്‍ പട്ടണത്തിന്റെ നിയന്ത്രണം അല്‍ ഷബാബ് ഭീകരര്‍ പിടിച്ചെടുത്തു. നഗരത്തിലെ സൈനിക താവളത്തിനുനേരെ ഭീകരര്‍ നടത്തിയ ആക്രമണത്തില്‍ നിരവധി ആളുകള്‍ കൊല്ലപ്പെട്ടു. ഇതില്‍ ഭൂരിഭാഗവും സൈനികരാണ്.
വെള്ളിയാഴ്ച ഉച്ചകഴിഞ്ഞ് എല്‍വാക് നഗരത്തില്‍ എത്തിയ ആയുധധാരികളായ അല്‍ ഷബാബ് ഭീകരര്‍ സൈനിക താവളത്തിനുനേരെ ആക്രമണം അഴിച്ചുവിടുകയായിരുന്നു. കെനിയന്‍ സൈനികരുടെ വേഷത്തിലാണു ഭീകരര്‍ നഗരത്തില്‍ പ്രവേശിച്ചത്.
ഒരു മണിക്കൂറിലേറെ നീണ്ട പോരാട്ടത്തിനൊടുവില്‍ സൈന്യത്തെ കീഴടക്കിയ അല്‍ ഷബാബ് വൈകുന്നേരത്തോടെ നഗരത്തിന്റെ നിയന്ത്രണം പൂര്‍ണമായും ഏറ്റെടുത്തു. ആക്രമണത്തില്‍ എത്രപേര്‍ മരിച്ചെന്ന് കൃത്യമായി അറിയില്ലെന്നു സൈനിക ഉദ്യോഗസ്ഥന്‍ അബ്ദുകദിര്‍ എല്‍മി പറഞ്ഞു.
