കൊച്ചി: സംഗീത സംവിധായകന്‍ പി.ജെ.ലിപ്‌സണ്‍ (62) അന്തരിച്ചു. ട്രാവന്‍കൂര്‍ കൊച്ചിന്‍ കെമിക്കല്‍സില്‍ ഉദ്യോഗസ്ഥനായിരുന്നു. പ്രശസ്ത സംഗീത സംവിധായകന്‍ ജെറി അമല്‍ദേവിന്റെ സഹായിയായി നിരവധി ചിത്രങ്ങളില്‍ പ്രവര്‍ത്തിച്ചിട്ടുണ്ട്.
നിരവധി ടെലിഫിലിമുകള്‍ക്കും ഭക്തിഗാനങ്ങള്‍ക്കും സംഗീതം നിര്‍വഹിച്ചു. ലിപ്‌സണ്‍ ഒരുക്കിയ പുഷ്പാഞ്ജലി എന്ന ക്രിസ്ത്യന്‍ ഭക്തിഗാന ആല്‍ബം ഏറെ പ്രചാരം നേടി. തിരുവനന്തപുരം ദുരദര്‍ശനു വേണ്ടി ആരംഭഗാനം ചിട്ടപ്പെടുത്തിയിട്ടുണ്ട്.
