തമിഴ് സംവിധായകന്‍ മിസ്‌കിന്‍ ഒരുക്കുന്ന ചിത്രം പിസാസ് 2 ഷൂട്ടിങ് ഡിണ്ടിഗലില്‍ പുനരാരംഭിച്ചു. ഇമോഷണല്‍ ഹൊറര്‍ ത്രില്ലറായ ചിത്രത്തില്‍ ആന്‍ഡ്രിയ ജെര്‍മിയ ആണ് കേന്ദ്ര കഥാപാത്രത്തെ അവതരിപ്പിക്കുന്നത്. കൊവിഡ് ലോക്ക്ഡൗണിനെ തുടര്‍ന്ന് ചിത്രത്തിന്റെ ഷൂട്ടിങ് നിര്‍ത്തിവച്ചിരിക്കുകയായിരുന്നു.
2014ല്‍ പുറത്തിറങ്ങിയ പിസാസ് ചിത്രത്തിന്റെ രണ്ടാം ഭാഗമാണ് പിസാസ് 2. ചിത്രത്തിലെ അഭിനയത്തിന് ആന്‍ഡ്രിയയ്ക്ക് ദേശീയ അവാര്‍ഡ് ലഭിക്കുമെന്ന് പ്രതീക്ഷിക്കുന്നതായി സംവിധായകനായ മിസ്‌കിന്‍ അറിയിച്ചിരുന്നു.
റോക്ക്‌ഫോര്‍ട്ട് എന്റര്‍ടെയ്ന്‍മെന്റിന്റെ ബാനറില്‍ ടി. മുരുകാനന്തമാണ് ചിത്രം നിര്‍മിക്കുന്നത്. ചിത്രത്തിന്റെ ആദ്യഭാഗം നിര്‍മിച്ചത് ബാല ആയിരുന്നു.
