അമര്‍ അക്ബര്‍ അന്തോണി, കട്ടപ്പനയിലെ ഋത്വിക് റോഷന്‍ എന്നീ ഹിറ്റ് ചിത്രങ്ങളുടെ സംവിധായകന്‍ നാദിര്‍ഷ തന്റെ മൂന്നാമത്തെ ചിത്രത്തിനായുള്ള തയ്യാറെടുപ്പുകളിലാണ്.
നാദിര്‍ഷയുടെ അടുത്ത ചിത്രത്തില്‍ നായകന്‍ മമ്മൂക്കയാണെന്ന സൂചനകളുണ്ടായിരുന്നെങ്കിലും അത് തന്റെ വലിയ ആഗ്രഹമാണെന്നും പക്ഷേ തീരുമാനമായിട്ടില്ലെന്നും പറഞ്ഞ് നാദിര്‍ഷ ഒഴിഞ്ഞിരുന്നു.
എന്നാല്‍ ഇപ്പോള്‍ നാദിര്‍ഷയുടെ സ്വപ്നം സത്യമാവുകയാണ്. മമ്മൂക്കയും നാദിര്‍ഷയും ഒന്നിക്കുന്ന ചിത്രത്തെക്കുറിച്ചുള്ള വാര്‍ത്തകള്‍ പുറത്തു വിട്ടത് തിരക്കഥാകൃത്ത് ബെന്നി പി നായരമ്പലമാണ്ചി
ത്രത്തിന്റെ സ്‌ക്രിപ്റ്റ് പൂര്‍ത്തിയായി കഴിഞ്ഞു. നിര്‍മ്മാതാവിനേയും കണ്ടെത്തിയതായും ബെന്നി പറഞ്ഞു.
മമ്മൂക്കയും നാദിര്‍ഷയും ഒന്നിക്കുന്ന ചിത്രം നര്‍മ്മത്തിന്റെ പശ്ചാത്തലത്തിലാകും പറയുന്നതെന്നും ബെന്നി വ്യക്തമാക്കി.
അടുത്ത വര്‍ഷമാദ്യം മോഹന്‍ലാലിനെ നായകനാക്കി ലാല്‍ ജോസ് സംവിധാനം ചെയ്യുന്ന ചിത്രമാണ് ബെന്നിയുടെ തിരക്കഥയിലൊരുങ്ങുന്ന മറ്റൊരു വന്‍ പ്രോജക്ട്.
