കൊച്ചി: എറണാകുളത്ത് ഹോട്ടല്‍ മുറിയില്‍ മരിച്ചനിലയില്‍ കണ്ടെത്തിയ എസ്‌ഐയുടെ ആത്മഹത്യാ കുറിപ്പില്‍ ഉന്നത പൊലീസ് ഉദ്യോഗസ്ഥരുടെ പേരുകള്‍. ജോലിയിലുണ്ടായ കടുത്ത സമ്മര്‍ദ്ദത്തെ തുടര്‍ന്നാണ് താന്‍ ജീവനൊടുക്കുന്നതെന്ന് ഗോപകുമാര്‍ കത്തില്‍ പറഞ്ഞതായാണ് സൂചന. സംഭവത്തില്‍ അന്വേഷണം തുടരുകയാണ്.
എറണാകുളം നോര്‍ത്ത് റെയില്‍വേ സ്റ്റേഷന് സമീപമുള്ള ഹോട്ടല്‍ മുറിയിലാണ് നോര്‍ത്ത് പൊലീസ് സ്റ്റേഷനിലെ പ്രൊബേഷന്‍ എസ്‌ഐ ഗോപകുമാറിനെ മരിച്ച നിലയില്‍ കണ്ടെത്തിയിരുന്നത്. തിരുവനന്തപുരം സ്വദേശിയാണ് ഗോപകുമാര്‍.
