അവതരണത്തില്‍ പുതുമകള്‍ സൃഷ്ടിക്കുകയും ആകാംക്ഷ നിറയ്ക്കുകയും ചെയ്യുന്ന നമസ്‌തേ ഇന്ത്യയുടെ ടീസര്‍ പുറത്തിറങ്ങി. വെള്ളിയാഴ്ചയാണ് ടീസര്‍ യൂട്യൂബില്‍ റിലീസ് ചെയ്തത്. സത്യം വീഡിയോസ് ചാനലിലൂടെയാണ് ടീസര്‍ പ്രേക്ഷകരിലെത്തിച്ചിരിക്കുന്നത്. ആര്‍ അജയ് സംവിധാനം ചെയ്യുന്ന ചിത്രം നിര്‍മിക്കുന്നത് ജോസി കാഞ്ഞിരപ്പള്ളിയാണ്.
രാഹുല്‍ മേനോനാണ് ഛായാഗ്രഹണം നിര്‍വ്വഹിക്കുന്നത്. സംഗീതം അഖില്‍ രാജ്. പുതുമുഖ നടനായ വിഷ്ണുവാണ് നായകന്‍. ബോളിവുഡ് നടിയായ റഷ്യന്‍ സുന്ദരി എലീന ചിത്രത്തില്‍ നായികയായി എത്തുന്നു. സിദ്ദീഖ്, മേജര്‍ രവി, നിര്‍മല്‍ തുടങ്ങി മുന്‍ നിര താരങ്ങളും ചിത്രത്തില്‍ അഭിനയിക്കുന്നുണ്ട്.
ഇന്ത്യയെ അറിയാന്‍ ആഗ്രഹിക്കുന്ന ഒരു ഇസ്രായേലി പെണ്‍കുട്ടിയായാണ് ‘നമസ്‌തേ ഇന്ത്യ’യില്‍ എലീന നായികയായി എത്തുന്നത്. ഇന്ത്യയുടെ വിവിധ സംസ്ഥാനങ്ങളില്‍ നിന്ന് തിരഞ്ഞെടുക്കപ്പെട്ട അഭിനേതാക്കള്‍ നമസ്‌തെ ഇന്ത്യയുടെ ഭാഗമാകുന്നു. ചിത്രത്തിന്റെ പ്രധാന ലൊക്കേഷനുകള്‍ താജ്മഹലും ഹിമാലയ പര്‍വത നിരകളുമാണ്.
