ന്യൂഡല്‍ഹി: രാജ്യത്തെ ‘സ്വച്ഛ് ഭാരത്’ പദ്ധതി വന്‍ വിജയമായിരുന്നുവെന്ന് പ്രധാനമന്ത്രി നരേന്ദ്രമോദി. നാല് വര്‍ഷം കൊണ്ട് പദ്ധതിയുടെ 90 ശതമാനവും വിജയത്തിലെത്തിക്കാന്‍ സാധിച്ചിട്ടുണ്ടെന്നും അദ്ദേഹം പറഞ്ഞു. ‘സ്വച്ഛത ഹി സേവ’ പദ്ധതി ഉദ്ഘാടനം ചെയ്തു കൊണ്ട് സംസാരിക്കവെയാണ് അദ്ദേഹം ഇക്കാര്യം പറഞ്ഞത്.
കഴിഞ്ഞ നാല് വര്‍ഷം കൊണ്ട് ഒന്‍പത് കോടി ശുചിമുറികള്‍ നിര്‍മ്മിക്കാന്‍ സാധിച്ചിട്ടുണ്ടെന്നും 15 ദിവസം നീണ്ട് നില്‍ക്കുന്ന ‘സ്വച്ഛത ഹി സേവ’ പദ്ധതി വിജയത്തിലെത്തിക്കണമെന്നും മഹാത്മ ഗാന്ധി സ്വപ്നം കണ്ട സ്വച്ഛ ഭാരതം സാധ്യമാക്കാനുള്ള ഉദ്യമത്തിന് എല്ലാവരുടെയും പിന്തുണ വേണമെന്നും മോദി വ്യക്തമാക്കി.
