റായ്പുര്‍: ഛത്തീസ്ഗഡിലെ ദന്തെവാഡയില്‍ നക്‌സലുകള്‍ റോഡ് കോണ്‍ട്രാക്ടറുടെ തൊഴിലാളിയെ കൊലപ്പെടുത്തി. അക്കൗണ്ടന്റായ മനോജ് പോഡിയം (25) ആണ് കൊല്ലപ്പെട്ടത്. കതെകല്യാണ്‍ പോലീസ് സ്റ്റേഷന്‍ പരിധിയിലുള്ള ഗതം ഗ്രാമത്തിലായിരുന്നു സംഭവം.
ആക്രമണത്തില്‍ മനോജിന്റെ ഭാര്യസഹോദരിയായ പത്തുവയസുകാരിക്ക് പരിക്കേറ്റു. രാത്രിയില്‍ വീട്ടില്‍ അതിക്രമിച്ചുകയറിയ നക്‌സലുകള്‍ ഭാര്യയുടെ മുന്നിലാണ് മനോജിനെ വെടിവച്ചു വീഴ്ത്തിയത്. മനോജിന്റെ ഭാര്യസഹോദരി മുസ്‌കന്‍ മാണ്ഡവിക്ക് കാലില്‍ വെടിയേറ്റു. കുട്ടിയെ സമീപത്തെ ആശുപത്രിയില്‍ പ്രവേശിപ്പിച്ചു.
