തെന്നിന്ത്യന്‍ താരറാണി നയന്‍താര കേന്ദ്രകഥാപാത്രമാകുന്ന നിരവധി ചിത്രങ്ങള്‍ അണിയറയില്‍ ഒരുങ്ങുന്നു.
ഷൂട്ടിംങ് പൂര്‍ത്തിയായ ഹൊറര്‍ ചിത്രം ഡോറ ഉടന്‍ തിയേറ്ററുകളിലെത്തുകയാണ്.വന്‍വിജയം നേടിയ ഹൊറര്‍ ചിത്രം മായയുടെ ആത്മവിശ്വാസത്തിലാണ് നയന്‍സ് തന്റെ പുതിയ ചിത്രവുമായി എത്തുന്നത്.
അഥര്‍വയ്‌ക്കൊപ്പം എത്തുന്ന ഇമെയ്ക്ക നൊടികള്‍ എന്ന ചിത്രത്തിലഭിനയിക്കുകയാണ് നയന്‍താര ഇപ്പോള്‍. അജയ് ജ്ഞാനമുത്തുവാണ് ചിത്രം സംവിധാനം ചെയ്യുന്നത്. അതോടൊപ്പം മിഞ്ജുര്‍ ഗോപി സംവിധാനം ചെയ്യുന്ന പുതിയ ചിത്രത്തില്‍ ജില്ലാ കളക്ടറുടെ വേഷത്തിലാണ് നയന്‍സ് എത്തുന്നത്.
ഉന്നൈ പോലൊരുവന്‍,ബില്ല 2 ചിത്രങ്ങള്‍ ഒരുക്കിയ സംവിധായകന്റെ പുതിയ ചിത്രത്തിലും നയന്‍താരയാണ് നായികയാകുന്നത്.
അഞ്ച് കോടി രൂപവരെയാണ് നയന്‍സിന്റെ പ്രതിഫലമെന്നാണ് കോളിവുഡിലെ സംസാരം.
