ത്രിപുരയില്‍ പ്രധാന പ്രതിപക്ഷ പാര്‍ട്ടിയായ തിപ്ര മോതയെ ഒപ്പം കൂട്ടി എന്‍ഡിഎ. മാണിക് സാഹ മന്ത്രിസഭയില്‍ പ്രാതിനിധ്യം നല്‍കി തിപ്ര മോതയെ കൂടെക്കൂട്ടാനാണ് ബിജെപി നീക്കം. രണ്ട് മന്ത്രിസ്ഥാനങ്ങള്‍ നല്‍കുമെന്നാണ് റിപ്പോര്‍ട്ട്.
വിശാല തിപ്ര ലാന്റ് അടക്കം തിപ്ര മോത മുന്നോട്ടുവെയ്ക്കുന്ന ആവശ്യങ്ങളില്‍ ബിജെപി ദേശീയ നേതൃത്വം ചര്‍ച്ച നടത്തും. അതേസമയം തിപ്ര മോത എന്‍ഡിഎ ഭാഗമാകുന്നതോടെ ത്രിപുരയില്‍ സിപിഐഎം പ്രധാന പ്രതിപക്ഷമാകും. ഒഡീഷയില്‍ ബിജെപി – ബിജെഡി സഖ്യ അഭ്യൂഹങ്ങള്‍ ശക്തമാകുന്നുണ്ട്. ഒഡീഷ മുഖ്യമന്ത്രി നവീന്‍ പട്‌നായികിന്റെ നേതൃത്വത്തിലുള്ള ബിജു ജനതാദള്‍ എന്‍ഡിഎയുടെ ഭാഗമാകുമെന്നാണ് റിപ്പോര്‍ട്ടുകള്‍.
