വെല്ലിംഗ്ടണ്‍: ന്യൂസിലന്‍ഡിലെ ജെറാള്‍ഡിന്‍ ടൗണിലെ സൂപ്പര്‍മാര്‍ക്കറ്റില്‍ വില്‍പ്പനയ്ക്കു വച്ചിരുന്ന സ്‌ട്രോബറിയില്‍ നിന്ന് സൂചി കണ്ടെത്തി. രാജ്യത്ത് ഇത് രണ്ടാം തവണയാണ് ഇത്തരം സംഭവം റിപ്പോര്‍ട്ട് ചെയ്യുന്നതെന്ന് പൊലീസ് പറഞ്ഞു.
ഓസ്‌ട്രേലിയയില്‍നിന്ന് ഇറക്കുമതി ചെയ്തതാണ് സ്‌ട്രോബറിയെന്ന് സംശയിക്കുന്നതായി പൊലീസ് അറിയിച്ചു. ഓസ്‌ട്രേലിയയില്‍ സ്‌ട്രോബറി ഉള്‍പ്പെടെയുള്ള പഴങ്ങളില്‍ സൂചി കണ്ടെത്തിയതുമായി ബന്ധപ്പെട്ട് ഇരുന്നൂറോളം കേസുകളാണ് നിലവില്‍ റിപ്പോര്‍ട്ട് ചെയ്തിരിക്കുന്നത്.
സംഭവത്തില്‍ കഴിഞ്ഞമാസം ഓസ്‌ട്രേലിയയിലെ ക്വീന്‍സ്ലന്‍ഡില്‍ അമ്പതുവയസുകാരിയെ പോലീസ് അറസ്റ്റു ചെയ്യുകയും ചെയ്തിരുന്നു.
