മലയാള സിനിമ ലോകത്ത് യുവതാരങ്ങളുടെ ദിനങ്ങളാണ് ഇപ്പോൾ.
വ്യത്യസ്തമായ കഥയും, സംവിധാന മികവും ഇവരുടെയെല്ലാം ചിത്രങ്ങളിൽ കാണാൻ സാധിക്കും.
മലയാള സിനിമയില്‍ ശ്രദ്ധിക്കപ്പെട്ടുകൊണ്ടിരിക്കുന്ന താരമാണ് നീരജ് മാധവ്.
നീരജ് മാധവിനെ നായകനാക്കി ഡൊമിൻ ഡിസിൽവ ഒരുക്കുന്ന ചിത്രമാണ് പൈപ്പിൻ ചുവട്ടിലെ പ്രണയം.
ചിത്രത്തിൽ അയ്യപ്പനായി സുധി കോപ്പ എത്തുന്നു. പുതിയ പോസ്റ്റർ പുറത്തെത്തി.
ഹാസ്യത്തിന് പ്രാധാന്യം നല്‍കി ഒരുക്കുന്ന പൈപ്പിന്‍ ചുവട്ടിലെ പ്രണയത്തില്‍ അജു വര്‍ഗീസ്, ഇന്ദ്രന്‍സ്, ചെമ്പില്‍ അശോകന്‍, തെസ്‌നി ഖാന്‍, തുടങ്ങിയവരാണ് മറ്റ് പ്രധാന താരങ്ങള്‍.
ഐശ്വര്യ സ്‌നേഹ മൂവീസിന്റെ ബാനറില്‍ വിജയകുമാര്‍ പാലക്കുന്ന് നിര്‍മിക്കുന്ന ചിത്രത്തിന്റെ തിരക്കഥ സംവിധായകനും ആന്റണി ജിബിനും ചേര്‍ന്നാണ് ഒരുക്കിയിരിക്കുന്നത്.
