അരങ്ങേറ്റ ചിത്രത്തിലൂടെ തന്നെ മികച്ച നടിക്കുള്ള പുരസ്‌കാരം നേടിയ രജിഷ വിജയന്റെ പുതിയ ചിത്രമാണ് ‘ജൂണ്‍’. ചിത്രത്തിലെ ലിറിക്കല്‍ വീഡിയോ ഗാനം പുറത്തെത്തി. മാനേ പെണ്‍മാനേ… എന്ന ഗാനമാണ് റിലീസ് ചെയ്തത്.
വിനായക് ശശികുമാറാണ് വരികള്‍ എഴുതിയിരിക്കുന്നത്. ഇഫ്തി ഈണം നല്‍കിയിരിക്കുന്ന ഗാനം ആലപിച്ചിരിക്കുന്നതും ഇഫ്തി തന്നെയാണ്.
ചിത്രം ഫെബ്രുവരിയില്‍ തീയറ്ററിലെത്തും. നവാഗതനായ അഹമ്മദ് കബീറിന്റെ സംവിധാനത്തിലൊരുങ്ങുന്ന ചിത്രം ഫ്രൈഡേ ഫിലിംസിന്റെ ബാനറില്‍ വിജയ് ബാബുവാണ് നിര്‍മിക്കുന്നത്. ജൂണ്‍ എന്ന പെണ്‍കുട്ടിയുടെ പതിനേഴ് വയസു മുതല്‍ 25 വയസു വരെയുള്ള കഥയാണ് ചിത്രം പറയുന്നത്.
അനുരാഗ കരിക്കിന്‍ വെള്ളം എന്ന ചിത്രത്തിലെ എലീ എന്ന കഥാപാത്രം കൊണ്ട് തന്നെ പ്രേക്ഷപ്രശംസ പിടിച്ചു പറ്റിയ നടിയാണ് രജിഷ. ഇപ്പോഴത്തെ ചിത്രത്തില്‍ തികച്ചും വ്യത്യസ്തമായ വേഷത്തിലാണ് എത്തുന്നതെന്നാണ് പോസ്റ്റര്‍ സൂചിപ്പിക്കുന്നത്. ചിത്രം എല്ലാ പെണ്‍കുട്ടികള്‍ക്കും വേണ്ടി സമര്‍പ്പിക്കുന്നുവെന്നാണ് വിജയ് ബാബു പറഞ്ഞിരിക്കുന്നത്.
