മധുരനാരങ്ങ എന്ന ചിത്രത്തിലെ ശ്രീലങ്കന്‍ പെണ്‍കുട്ടിയായി വേഷമിട്ടതിന് ശേഷം മറ്റൊരു വ്യത്യസ്ത കഥാപാത്രവുമായി എത്തുകയാണ് പാര്‍വതി രതീഷ്.
നവാഗതനായ വിനീഷ് മില്ലേനിയം സംവിധാനം ചെയ്യുന്ന കല്ലായി എഫ്.എം എന്ന ചിത്രത്തില്‍ പൂക്കാരിയായാണ് പാര്‍വതി അഭിനയിക്കുന്നത്.
സൈറ ഭാനു എന്നാണ് കഥാപാത്രത്തിന്റെ പേര്. മുഹമ്മദ് റാഫി ആരാധകനായ ശ്രീനിവാസന്‍ അവതരിപ്പിക്കുന്ന കഥാപാത്രത്തിന്റെ മകളാണ് സൈറ ഭാനു. പാര്‍വതിയുടെ സഹോദരനായി ശ്രീനാഥ് ഭാസിയും അഭിനയിക്കുന്നുണ്ട്.
ദൃശ്യം ഫെയിം അനീഷ് ജി മേനോനും ചിത്രത്തില്‍ പ്രധാന വേഷത്തില്‍ എത്തുന്നു. കോഴിക്കോട് ജില്ലയിലെ കല്ലായിയാണ് ചിത്രത്തിന്റെ പ്രധാന ലൊക്കേഷന്‍.
മുംബൈയും ദുബായിയുമാണ് മറ്റ് ലൊക്കേഷനുകള്‍.
കലാഭവന്‍ ഷാജോണ്‍, കോട്ടയം നസീര്‍, സുനില്‍ സുഗത, കൃഷ്ണപ്രഭ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
