മുന്‍ ന്യൂസിലാന്റ് ക്രിക്കറ്റ് താരം റിച്ചാര്‍ഡ് ഹാഡ്‌ലി തന്റെ രണ്ടാം ക്യാന്‍സര്‍ ശസ്ത്രക്രിയയ്ക്ക് വിധേയനാവുന്നു. കരളില്‍ ക്യാന്‍സര്‍ കണ്ടെത്തിയതിനെ തുടര്‍ന്നാണ് രണ്ടാമത്തെ ശസ്ത്രക്രിയ എന്ന് റിച്ചാര്‍ഡിന്റെ ഭാര്യ ഡയാനെ തിങ്കളാഴ്ച മാധ്യമങ്ങളോട് പറഞ്ഞു.
കഴിഞ്ഞ മാസമാണ് 67 കാരനായ റിച്ചാര്‍ഡിനെ കുടല്‍ ക്യാന്‍സര്‍ ശസ്ത്രക്രിയയ്ക്ക് വിധേയനാക്കിയത്. കരളിലെ ക്യാന്‍സറിന്റെ പ്രാരംഭഘട്ടമാണെന്നും അതിനാല്‍ ശസ്ത്രക്രിയയ്ക്ക് വിധേയനായാല്‍ അത് പൂര്‍ണമായും മാറുമെന്നുമാണ് ഡോക്ടര്‍മാര്‍ അറിയിച്ചിരിക്കുന്നതെന്നും ഡയാനെ വ്യക്തമാക്കി.
ന്യൂസിലാന്റ് ക്രിക്കറ്റിലെ ഏറ്റവും വേഗതയുള്ള ബൗളറായിരുന്നു റിച്ചാര്‍ഡ്. 431 വിക്കറ്റുകളാണ് അദ്ദേഹം എടുത്തിട്ടുള്ളത്.
