ആഗ്ര: ആഗ്ര-അലിഗഡ് ദേശീയപാതയിൽ വാനും ബസും കൂട്ടിയിടിച്ച് നടന്നത് വലിയ അപകടം. മീറ്റായിക്ക് സമീപം റോഡ്‌വേസ് ബസും വാനും തമ്മിൽ കൂട്ടിയിടിക്കുകയായിരുന്നു. അതേസമയം അപകടത്തിൽ 12 പേർ മരിച്ചതായും നിരവധി പേർക്ക് ഗുരുതരമായി പരിക്കേറ്റതായും പ്രദേശിക മാധ്യമങ്ങൾ റിപ്പോർട്ട് ചെയ്തു.
Also Read: മുംബൈയിൽ വാണിജ്യ കെട്ടിടത്തിൽ അഗ്നിബാധ
ആഗ്രയിലെ ഖണ്ഡൗലി എന്ന ഗ്രാമത്തിലെ സെമ്ര സ്വദേശികളാണ് മരിച്ചത്. റിപ്പോർട്ടുകളുടെ അടിസ്ഥാനത്തിൽ ഹത്രസിൽ നിന്ന് ശവ സംസ്കാര ചടങ്ങിൽ പങ്കെടുത്ത് മടങ്ങിയ വാനിൽ എതിരെ വന്ന ബസ് കൂട്ടിയിടിക്കുകയായിരുന്നു. മരിച്ചവരിൽ കുട്ടികളും സ്ത്രീകളും ഉൾപ്പെടുന്നു. സംഭവത്തെ തുടർന്ന് പൊലീസ് സ്ഥലത്തെത്തി. പരിക്കേറ്റവരെ വിദഗ്ദ്ധ ചികിത്സയ്ക്കായി ജില്ലാ ആശുപത്രിയിലേക്ക് മാറ്റി. അതേസമയം കനത്ത മഴ കാരണം കാഴ്ച മങ്ങിയതാകാം അപകട കാരണമെന്ന് പൊലീസ് പറഞ്ഞു.
