ഗുഡ്സ് ട്രെയിൻ തട്ടി പന്ത്രണ്ടുകാരൻ മരിച്ചു

പാപ്പിനിശ്ശേരി: പന്ത്രണ്ടുകാരൻ ഗുഡ്സ് ട്രെയിൻ തട്ടി മരിച്ചു. പാപ്പിനിശ്ശേരി അറത്തിൽ പള്ളിക്ക് സമീപം പൊയ്തുംകടവ് സ്വദേശി ജഹീർ- ജസ്ന ദമ്പതികളുടെ മകൻ ഷിനാസ് (12) ആണ് മരിച്ചത്. റെയിൽ പാളത്തിനരികിലൂടെ നടന്നു പോകുന്നതിനിടെയായിരുന്നു സംഭവം. പാപ്പിനിശ്ശേരി ഗവ. യു പി സ്കൂളിലെ അഞ്ചാംക്ലാസ് വിദ്യാർഥിയാണ് ഷിനാസ്. ഞായറാഴ്ച ഉച്ചയ്ക്ക് ഒന്നരയോടെയാണ് സംഭവം.

Also read: തട്ടിപ്പിലെ ഇരകളെ വീണ്ടും പറ്റിക്കുന്ന സംഘം; ജാഗ്രതാ നിർദേശവുമായി കേരളാ പോലീസ്

മൂത്ത സഹോദരൻ ജാസിമിനൊപ്പം കടയിൽ നിന്നും സാധനങ്ങൾ വാങ്ങി വീട്ടിലേക്ക് പോകുന്നതിനിടെ മംഗലാപുരം ഭാഗത്തേക്ക് പോയ ഗുഡ്സ് ട്രെയിനാണ് ഷിനാസിനെ തട്ടിയത്. സഹോദരന്റെ കരച്ചിൽ കേട്ട് ഓടിയെത്തിയ ആളുകളാണ് കുട്ടിയെ കണ്ടെത്തിയത്. ഗാലക്സി കമ്പനിക്ക് സമീപത്തെ റെയിൽവേ പാളത്തിലായിരുന്നു സംഭവം. മൃതദേഹം അറത്തിൽ ഖബർസ്ഥാനിൽ ഖബറടക്കി.