ആലപ്പുഴ: ആലപ്പുഴയിൽ മെത്താംഫിറ്റമിനുമായി യുവാവിനെ പിടികൂടി. പുന്നപ്ര സ്വദേശിയായ ഫാറൂഖ് എ ജബ്ബാറാണ് (23) എക്സൈസിന്റെ പിടിയിലായത്. 2.4619 ഗ്രാം മെത്താംഫിറ്റമിനാണ് ഇയാളുടെ കയ്യിൽ നിന്നും പിടിച്ചെടുത്തത്. ആലപ്പുഴ എക്സൈസ് സർക്കിൾ ഇൻസ്പെക്ടർ പ്രശാന്ത് ആറിന്‍റെ നേതൃത്വത്തിലായിരുന്നു പരിശോധന.
എക്സൈസ് ഇൻസ്പെക്ടർ ഫെമിൻ ജി, അസിസ്റ്റന്‍റ് എക്സൈസ് ഇൻസ്പെക്ടർ(ഗ്രേഡ്)മാരായ ഇ.കെ അനിൽ, വിജയകുമാർ പി, സിവിൽ എക്സൈസ് ഓഫീസർമാരായ വർഗീസ് പയസ്, ഗോപികൃഷ്ണൻ, വിപിൻ വി.ബി, സിവിൽ എക്സൈസ് ഓഫീസർ ഡ്രൈവർ വർഗീസ് എ.ജെ എന്നിവരും പരിശോധനയിൽ പങ്കെടുത്തു.
