വൻ ഹിറ്റ് ചിത്രങ്ങളില്‍ നിരവധി പ്രാവശ്യം നായകനായി എത്തിയിട്ടുണ്ട് ജൂനിയര്‍ എൻടിആര്‍. അതുകൊണ്ട് തന്നെ ജൂനിയര്‍ എൻടിആര്‍ നായകനാകുന്ന ചിത്രങ്ങള്‍ പ്രേക്ഷകര്‍ വളരെ ആകാംക്ഷയോടെ കാത്തിരിക്കാറും ഉണ്ട്. അങ്ങനെ കാത്തിരിക്കുന്ന ഒരു പുതിയ ചിത്രമാണ് ദേവര. തിയറ്ററുകളിൽ വരാനിരിക്കുന്ന ദേവരയ്‍ക്ക് വൻ സ്വീകാര്യതയുണ്ടെന്നാണ് അഡ്വാൻസ് കളക്ഷൻ കണക്കുകളും തെളിയിക്കുന്നത്.
കൊരടാല ശിവ സംവിധാനം നിര്‍വഹിക്കുന്ന ചിത്രമാണ് ദേവര. വൻ പ്രതീക്ഷയോടെയാണ് പ്രേക്ഷകർ ദേവരയെ കാത്തിരിക്കുന്നത്. സെപ്‍തംബര്‍ 27നാണ് ദേവരയുടെ റിലീസ്. എന്നാൽ ഇതിനകം തന്നെ അമേരിക്കയില്‍ പ്രീമിയറിന് 30000 ടിക്കറ്റുകള്‍ വിറ്റുവെന്നാണ് റിപ്പോര്‍ട്ട്. അമേരിക്കയിലെ കുറച്ച് ഷോകളിലേക്കാണ് ബുക്കിംഗ് തുടങ്ങിയിരിക്കുന്നത് എന്നുമാണ് പുറത്തുവരുന്ന റിപ്പോര്‍ട്ട്. എന്നിട്ടും ഏകദേശം ദേവരക്ക് ഒമ്പത് കോടിയോളം മുൻകൂറായി നേടാനായി എന്നാണ് റിപ്പോര്‍ട്ട്.
Also Read: എന്‍ടിആറിന്റെ വില്ലനായി സൈഫ് അലി ഖാന്‍; ‘ദേവര’യുടെ ട്രെയിലര്‍ പുറത്ത്
ആർ ആർ ആർ നു ശേഷം, ഞെട്ടിക്കുമോ ദേവര …
ദേവര എന്ന ചിത്രത്തില്‍ ജൂനിയര്‍ എൻടിആറിനൊപ്പം ജാൻവി കപൂര്‍ നായികയാകുമ്പോള്‍ മറ്റ് കഥാപാത്രങ്ങളായി സെയ്‍ഫ് അലി ഖാൻ, പ്രകാശ് രാജ്, ശ്രീകാന്ത്, ഷൈൻ ടോം ചാക്കോ, നരേൻ, കലൈയരശൻ, അജയ്,അഭിമന്യു സിംഗ് എന്നിവരുമുണ്ടാകും. റെക്കോര്‍ഡ് പ്രതിഫലമായിരിക്കും ജാൻവി കപൂര്‍ വാങ്ങിക്കുക എന്ന് റിപ്പോര്‍ട്ടുണ്ടായിരുന്നു. ഛായാഗ്രാഹണം രത്‍നവേലുവാണ്. സാബു സിറിലാണ് പ്രൊഡക്ഷൻ ഡിസൈൻ.
Also Read: 20.7 കോടി രൂപയുടെ ബംഗ്ലാവ് കങ്കണ വിറ്റത് വൻ തുകയ്ക്ക്
രാജമൗലിയുടെ വൻ ഹിറ്റായ ആര്‍ആര്‍ആറിന് ശേഷം, ജൂനിയര്‍ എൻടിആറിന്റേതായി എത്തുന്ന ഒരു ചിത്രം എന്ന പ്രത്യേകതയും നിലവിൽ ദേവരയ്‍ക്കുണ്ട്. ജൂനിയര്‍ എൻടിആറിനൊപ്പം രാജമൗലിയുടെ ആര്‍ആര്‍ആര്‍ സിനിമയില്‍ സൂപ്പർ സ്റ്റാർ രാം ചരണും നായകനായപ്പോള്‍ നിര്‍ണായക കഥാപാത്രങ്ങളായി അജയ് ദേവ്‍ഗണ്‍, ആലിയ ഭട്ട്, ഒലിവിയ മോറിസ്, റേ സ്റ്റേവെൻസണ്‍ എന്നിവരുമുണ്ടായിരുന്നു. കെ കെ സെന്തില്‍ കുമാറാണ് ചിത്രത്തിന്റെ ഛായാഗ്രാഹണം നിര്‍വഹിച്ചത്. എം എം കീരവാണിയായിരുന്നു സംഗീതം.
Also Read: ഷാരൂഖ് ഖാൻ, താങ്കളൊരു നല്ല നടനുമപ്പുറം, നല്ല മനുഷ്യൻ കൂടിയാണ്; നടൻ സയീദ്
ചിത്രത്തിന്റെ നിര്‍മാണം നിര്‍വഹിച്ചത് ഡി വി വി ദനയ്യയാണ്. കൊമരം ഭീം എന്ന നിര്‍ണായക കഥാപാത്രമായിട്ടായിരുന്നു ജൂനിയര്‍ എൻടിആര്‍ നായകരിലൊരാളായി എത്തിയത്. എന്തായാലും ജൂനിയര്‍ എൻടിആറിന്റെ ദേവര സിനിമയും സിനിമ ലോകം വലിയ രീതിയിൽ തന്നെ ഏറ്റെടുക്കുമെന്നാണ് പ്രതീക്ഷ.
