കോഴിക്കോട് :ആദിവാസി മേഖലകളില്‍ നാല് ടൂറിസം പദ്ധതികള്‍ക്ക് 7.21 കോടി അനുവദിച്ചു. ഇടുക്കിയിലെയും വയനാട്ടിലെയും വംശീയ ടൂറിസം ഗ്രാമങ്ങള്‍ക്ക് 3.68 കോടി രൂപ (ഓരോ ജില്ലക്കും 1.84 കോടി രൂപവീതം), വയനാട് പ്രിയദര്‍ശിനി ടീ എന്‍വയോണ്‍സില്‍ ടൂറിസം പാര്‍ക്ക് – 59 ലക്ഷം, കണ്ണൂര്‍ ആറളം ഫാം ടൂറിസത്തില്‍ അഗ്രി ടൂറിസം പാക്കേജ് – 2.94 കോടി രൂപ എന്നിങ്ങനെയാണ് തുക അനുവദിച്ചത്.
വിനോദസഞ്ചാരികള്‍ക്ക് ഗോത്ര സംസ്‌കാരം, പ്രകൃതിദൃശ്യങ്ങള്‍, ഗോത്രവര്‍ഗ ജീവിതരീതികള്‍ എന്നിവയുടെ വിചിത്രമായ അനുഭവം നല്‍കാനാണ് പദ്ധതികള്‍ ഉദ്ദേശിക്കുന്നത്. വ്യത്യസ്ത ഗ്രൂപ്പുകളുമായുള്ള ആശയവിനിമയം, പ്രാദേശിക സംസ്‌കാരം പ്രോത്സാഹിപ്പിക്കുക, തദ്ദേശവാസികള്‍ക്ക് സാമ്പത്തിക അവസരങ്ങള്‍ സൃഷ്ടിക്കുക തുടങ്ങയും പദ്ധതിയുടെ ലക്ഷ്യമാണ്.
